ខេត្តព្រះសីហនុ-ដោយ: ខៀវ ប៉ូឡូ
យោងប្រកាសរបស់ក្រសួងមហាផ្ទៃ លេខ ២១៦២ ប្រ.ក ចុះថ្ងៃទី២៧ ខែមិថុនា ឆ្នាំ២០១៧ ស្តីពីការទទួលស្គាល់សមាសភាពសមាជិកក្រុមប្រឹក្សាឃុំ មេឃុំ ជំទប់ទី១ និងជំទប់ទី២ នៃឃុំអូរជ្រៅ ស្រុកព្រៃនប់ ខេត្តព្រះសីហនុ។
សម្រេចទទួលស្គាល់សមាសភាពជាប្រធានក្រុមប្រឹក្សាឃុំ និងសមាជិកក្រុមប្រឹក្សាឃុំអូរជ្រៅ ស្រុកព្រៃនប់ ខេត្តព្រះសីហនុ ដូចមានរាយនាមខាងក្រោម÷
១- លោក ជីប ចាន់រ៉ាវី ជាប្រធានក្រុមប្រឹក្សាឃុំ
២-លោក យន់ ឆេង ជាសមាជិកក្រុមប្រឹក្សាឃុំ
៣-លោក យ៉ូប ម៉ាត់ណូត ជាសមាជិកក្រុមប្រឹក្សាឃុំ
៤-លោក អ៊ុំ វ៉េត ជាសមាជិកក្រុមប្រឹក្សាឃុំ
៥-លោក អាំ អាស់ ជាសមាជិកក្រុមប្រឹក្សាឃុំ
ក្នុងប្រកាសនេះក៏បានទទួលស្គាល់សមាសភាពជាមេឃុំ ជំទប់ទី១ ជំទប់ទី២ នៃឃុំអូរជ្រៅ ស្រុកព្រៃនប់ ខេត្តព្រះសីហនុ ដូចមានរាយនាមខាងក្រោម÷
១- លោក ជីប ចាន់រ៉ាវី ជាមេឃុំ
២-លោក យន់ ឆេង ជាជំទប់ទី១
៣-លោក យ៉ូប ម៉ាត់ណូត ជាជំទប់ទី២
ពិធីប្រកាសសុពលភាព និងបើកកិច្ចប្រជុំដំបូងរបស់ប្រធានក្រុមប្រឹក្សាឃុំ សមាជិកក្រុមប្រឹក្សាឃុំ ប្រកាសឈ្មោះប្រធានក្រុមប្រឹក្សាឃុំ មេឃុំ ជំទប់ អាណត្តិទី៤ ឆ្នាំ២០១៧ ក្រោមអធិបតីភាព លោក ស៊ុត ចាន់ថន នាយករងរដ្ឋបាលខេត្តព្រះសីហនុ។ ពិធីនេះបានធ្វើឡើងនាថ្ងៃទី០៣ ខែកក្កដា ឆ្នាំ២០១៧ វេលាម៉ោង ០២រសៀល នៅសាលាឃុំអូរជ្រៅ ស្រុកព្រៃនប់ ខេត្តព្រះសីហនុ។
ពិធីនេះបានធ្វើឡើងដោយយោងតាមប្រកាសរបស់ក្រសួងមហាផ្ទៃ លេខ ១៥០១ ប្រ.ក ចុះថ្ងៃទី០៨ ខែមិថុនា ឆ្នាំ២០១៧ ស្តីពីការធ្វើប្រតិភូកម្មអំណាចដល់អភិបាលរាជធានី ខេត្ត ក្នុងការចាត់ចែងដំណើរការនៃកិច្ចប្រជុំដំបូងរបស់ក្រុមប្រឹក្សាឃុំ សង្កាត់អាណត្តិថ្មី ទូទាំងខេត្តព្រះសីហនុ។
