រាជធានីភ្នំពេញ-ដោយ: សុភ័ក្ត្រ
រាជរដ្ឋាភិបាលកម្ពុជាសម្រេចបង្កើតក្រុងកោះរ៉ុង នៃខេត្តព្រះសីហនុ ដោយកាត់យកសង្កាត់ចំនួន០២ ពីក្រុងព្រះសីហនុ នៃខេត្តព្រះសីហនុគឺ សង្កាត់កោះរ៉ុង និងសង្កាត់កោះរ៉ុងសន្លឹម។ នេះបើយោងតាមអនុក្រឹត្យរបស់រាជរដ្ឋាភិបាលកម្ពុជា លេខ ០២ អនក្រ.បក ចុះថ្ងៃអង្គារ ៣កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៨ ខែមករា ឆ្នាំ២០១៩។
ក្នុងអនុក្រឹត្យខាងលើបានបញ្ជាក់បន្ថែមថា ទីតាំងសាលាក្រុងកោះរ៉ុង ត្រូវស្ថិតនៅក្នុងសង្កាត់កោះរ៉ុងសន្លឹម។ ជាមួយគ្នានេះ ការរៀបចំរចនាសម្ព័ន្ធ និងប្រព័ន្ធគ្រប់គ្រងរដ្ឋបាលក្រុងកោះរ៉ុង ត្រូវអនុលោមទៅតាមច្បាប់ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ។
សូមបញ្ជាក់ថា បច្ចុប្បន្ននេះ ក្រោយការបង្កើតក្រុងកោះរ៉ុង បានធ្វើឱ្យខេត្តព្រះសីហនុ មានក្រុងចំនួន២ គឺៈ ក្រុងព្រះសីហនុ និងក្រុងកោះរ៉ុង រួមនឹងស្រុកចំនួន៣ គឺៈ ស្រុកព្រៃនប់ ស្រុកកំពង់សិលា និងស្រុកស្ទឹងហាវ។
